У межах экскурсіі старшыня выбарчай камісіі Аксана Аляксеюк расказала моладзі пра асаблівасці работы выбарчай камісіі, функцыі наглядальнікаў, а яшчэ пазнаёміла з нарматыўнымі дакументамі, якія забяспечваюць законнасць правядзення выбараў у дэпутатаў Палаты прадстаўнікоў Нацыянальнага сходу 8-га склікання і мясцовых Саветаў дэпутатаў 29-га склікання.

Навучэнцы пазнаёміліся з інфармацыяй аб кандыдатах у дэпутаты, убачылі, як абсталяваныя кабінкі і урны для галасавання, даведаліся, як забяспечваецца ахова выбарчага ўчастка.
Напрыканцы экскурсіі навучэнцы зрабілі выснову, што атрыманыя веды неўзабаве ім спатрэбяцца, яны змогуць па-сапраўднаму скарыстаць сваё канстытуцыйнае права ўдзельнічаць у выбарах у 18 гадоў: прыйсці на ўчасткі і прагаласаваць за абранага кандыдата.

Мерапрыемства садзейнічала фарміраванню прававой культуры навучэнцаў, выхаванню духоўна-маральных каштоўнасцей, пачуцця патрыятызму, гонару за сваю краіну.